«Кыргызалтын» ААКы «Мироновское» кениндеги баалуу металлдардын запастарын баалоо боюнча тиешелүү иштерди жүргүзүүдө
«Кыргызалтын» ААКы Чүй облусунун Кемин районунда жайгашкан «Мироновское» кенинде баалуу металлдын жана аны менен байланышкан пайдалуу кендердин запастарын баалоо боюнча тиешелүү иштерди жүргүзүүдө.
«Бул кенди иштетүү «Кыргызалтын» ААКтын жеке каражаттарынын эсебинен ишке ашырылат, анткени компанияда бул долбоорду ишке ашыруу үчүн бардык финансылык жана техникалык мүмкүнчүлүктөр бар» - деп белгиледи «Кыргызалтын» ААК башкармалыгынын төрагасы Кубат Абдраимов.
Бул кен 1961-жылы геологиялык чалгындоо иштеринин жүрүшүндө ачылган. 1962-1963-жылдары аймакта арыктар жасалып, 7 скважина бургуланган. 1964-1974-жылдары алдын ала жана деталдык чалгындоо иштери жүргүзүлгөн. Божомолдор боюнча, «Мироновское» кенинде алтындын кору 10 тоннадан ашык, күмүш кору 250 тонна, жездин кору 80 миң тоннадан ашык.