"Кыргызалтын" ААКсы "SuperB Pacific Limited" компаниясы менен Кыргыз Республикасынын аймагында геологиялык чалгындоо жана иштетүү боюнча кызматташуу боюнча Меморандумга кол коюшту

     2023-жылдын 20-декабрында Бишкек шаарында «Кыргызалтын» ААК менен эл аралык Zijin Mining Corporation компаниясынын туунду компаниясы болгон «SuperB Pacific Limited» компаниясынын ортосунда Кыргыз Республикасынын аймагында геологиялык чалгындоо жана иштетүү боюнча кызматташуу жөнүндө Меморандумга кол коюу аземи өттү.

        Кызматташуу жана өз ара аракеттенүү жөнүндө меморандум өнөктөштүк мамилелерди түзүү жана биргелешкен долбоорлорду ишке ашырууга багытталган Тараптардын узак мөөнөттүү, натыйжалуу жана өз ара пайдалуу кызматташуусун өнүктүрүүнү карайт.

        Тараптар төмөндөгү көйгөйлөрдү чечүү үчүн биргелешкен аракеттерди көрүүнү макулдашышты:

- өзгөчө «Терек» жана «Каракала-Терек» кендерин геологиялык чалгындоо жана иштетүү менен байланышкан биргелешкен долбоорлорду илгерилетүүгө жана ишке ашырууга көмөктөшүү;

- маалымат берүү жана алмашуу;

- тоо-кен иштерине байланышкан милдеттерди ишке ашыруу процессинде практикалык жардам көрсөтүү;

- долбоорду ишке ашырууга байланыштуу илимий-изилдөө иштерине өз ара аракеттенүү жана көмөк көрсөтүү.

    Белгилей кетсек, «Алтынкен» биргелешкен ишканасынын катышуучулары болуп саналган «SuperB Pacific Limited» компаниясы менен кызматташуу 2011-жылдан бери уланып келет, ал өз кезегинде геологиялык чалгындоо, тоо-кен казып алуу тармагындагы комплекстүү эл аралык кытай-кыргыз биргелешкен ишканасы болуп саналат.  руданы байытуу жана эритуу, аны кайра иштетуу жана сатуу. Бүгүнкү күндө ишканада 959 кызматкер эмгектенет, алардын 902си Кыргыз Республикасынын жарандары.

    Маалымат үчүн: «Zijin Mining Corporation» ААК Фуцзянь провинциясында түзүлгөн жана эң ири тоо-кен корпорациясы болуп саналат. Корпорация Гонконг жана Шанхай биржаларында катталган. Корпорация буга чейин колдо болгон ресурстардын көлөмү жана алтын, жез жана цинк өндүрүү боюнча Кытайдагы алдыңкы үч лидердин бири болуп калды. Корпорация 2022-жылы дүйнөдөгү 2000 ири компаниялардын арасында Forbes дүйнөлүк рейтингинде 325-орунду, анын ичинде дүйнөдөгү эң ири алтын казуучу ишканалардын арасында 1-орунду жана металл рудасы тармагындагы дүйнөдөгү эң ири компаниялардын рейтингинде 8-орунду ээлеген.