«Кыргызалтын» ААК экономикалык талдоо жана болжолдоо башкармалыгынын башкы адисинин бош кызмат ордуна сынак жарыялайт. Кеңсе Бишкек шаарында жайгашкан

«Кыргызалтын» ААК экономикалык талдоо жана болжолдоо башкармалыгынын башкы адисинин бош кызмат ордуна сынак жарыялайт. Кеңсе Бишкек шаарында жайгашкан.

Кызматтык милдеттери:

-          Ишканалардын эмгек өндүрүмдүүлүгүн, натыйжалуулугун жана рентабелдүүлүгүн жогорулатууга, өндүрүлгөн продукциянын өздүк наркын төмөндөтүүгө, эмгек өндүрүмдүүлүгүнүн жана эмгек акынын өсүү темптеринин туура катышын камсыздоого, материалдык, эмгек жана финансылык ресурстарды эң аз чыгымдоо менен эң чоң натыйжаларга жетишүү үчүн багытталган көзөмөлдөгү филиалдардын жана бөлүмдөрдүн экономикалык ишмердүүлүгүн уюштурууну жана өркүндөтүүнү жүзөгө ашыруу.

-          Пландоонун ченемдик базасын түзүү жана жакшыртуу, товардык-материалдык баалуулуктардын, жүгүртүү жана негизги каражаттардын чыгымдоо ченемдерин өркүндөтүү боюнча экономикалык көрсөткүчтөрдү пландоону жакшыртуу.

-          Коомдун филиалдарынын жана бөлүмдөрүнүн ишин техникалык-экономикалык  жактан пландоо, капиталдык салымдардын экономикалык натыйжалуулугун эсептөө боюнча методикалык материалдарды иштеп чыгууга катышуу.

-          Коомдун чарбалык ишмердүүлүгүнүн бардык багыттарында материалдык, эмгек жана финансылык ресурстарды үнөмдөө режимин катуу сактоо боюнча чараларды көрүү.

-          Көзөмөлдөгү филиалдарда жана бөлүмдөрдө колдонулуучу пландоо, эсепке алуу жана отчеттук документтердин рационалдуу формаларын иштеп чыгууну уюштуруу.

-          Пландык-финансылык тартиптин сакталышын камсыздоо, план-тапшырмалардын аткарылышын контролдоо.

-          Коомдун көзөмөлдөгү филиалдарынын жана бөлүмдөрүнүн өндүрүштүк-чарбалык ишмердүүлүгүнүн натыйжаларын комплекстүү экономикалык талдоону жана баалоону жүргүзүү, ички резервдерди пайдалануу, ишканалардын ишинин натыйжалуулугун жогорулатуу боюнча иш-чараларды иштеп чыгуу.

-          Экономикалык көрсөткүчтөрдү жакшыртууга, экономикалык иштин прогрессивдүү формаларын жана методдорун иштеп чыгууга жана ишке ашырууга катышуу, ошондой эле эң максатка ылайыктуу экономикалык көрсөткүчтөрдү киргизүүгө көмөктөшүү.

   Коюлуучу талаптар:

-       Жогорку экономикалык билим;

-       Иш кагаздарын жүргүзүү, контрагенттер менен иштөө көндүмдөрү, сабаттуу жазуу жана оозеки сүйлөө, иш тажрыйбасы адистиги боюнча 3 жылдан кем эмес.

Талапкерлер «Кыргызалтын» ААКга төмөнкү документтерди тапшырышат:

-       Өмүр баяны (соттолгондугу же соттолбогондугу жөнүндө маалыматты көрсөтүү менен);

-       Сүрөтү менен резюме (электрондук почта дарегин көрсөтүү менен);

-       Паспорттун көчүрмөсү;

-       Керектүү кесиптик билимди, иш тажрыйбасын жана квалификацияны тастыктаган документтер (эмгек китепчесинин, билим жөнүндө документтердин, квалификацияны жогорулатуу жөнүндө документтердин нотариалдык жактан же иш орду боюнча персоналды башкаруу кызматтары тарабынан күбөлөндүрүлгөн көчүрмөлөрү).

Документтер 2025-жылдын 7-ноябрдан 5-декабрга чейин саат 09:00дөн 17:00гө чейин Бишкек шаары, Абдымомунов көчөсү, 195 дарегиндеги «Кыргызалтын» ААКтын Стратегияны иштеп чыгуу жана адам ресурстарын өнүктүрүү бөлүмүндө кабыл алынат, тел. 62-07-04.

Талаптарга дал келген талапкерлер гана маектешүүгө чакырылат.