ЖАҢЫ РЕКОРД «Кыргызалтын» 2026-жылдын алты айында 2025-жылдагы таза кирешеден ашты

«Кыргызалтын» 2026-жылдын алты айында 2025-жылдагы таза кирешеден ашты
2026-жылдын биринчи жарым жылдыгынын жыйынтыгы боюнча «Кыргызалтын» ААКнын таза кирешеси 33 млрд сомду түздү.
Бул көрсөткүч 2025-жылдын ушул эле мезгилиндеги жыйынтыктан дээрлик эки эсеге, ал эми компаниянын 2025-жылдагы бүтүндөй таза кирешесинен 1,8 эсеге көп.

2025-жылдын жыйынтыгы боюнча «Кыргызалтын» ААКнын таза кирешеси 18,7 млрд сомду түзгөн. Демек, 2026-жылдын алгачкы алты айында эле компания өткөн жылдагы бүтүндөй көрсөткүчтөн 14,3 млрд сомго көп таза киреше тапты.
Финансылык көрсөткүчтөрдүн өсүшү компаниянын ишмердүүлүгүнүн натыйжалуулугун жогорулатып, финансылык туруктуулугун бекемдеп, өндүрүштүк потенциалды өнүктүрүү боюнча жүргүзүлүп жаткан иштердин натыйжалуулугун көрсөтөт.

Финансылык натыйжалардын өсүшү компаниянын өлкөнүн экономикасына кошкон салымын көбөйтүүгө, жаңы инвестициялык долбоорлорду ишке ашырууга, өндүрүштүк кубаттуулуктарды кеңейтүүгө жана келечектүү кен орундарын өздөштүрүүгө кошумча мүмкүнчүлүктөрдү түзөт.
Бүгүнкү күндө «Кыргызалтын» ишмердүүлүгүнүн багыттарын ырааттуу кеңейтип, жаңы кен орундарын, өндүрүштүк кубаттуулуктарды, кайра иштетүү тармагын жана башка инвестициялык багыттарды өнүктүрүүдө.
Алдыдагы үч жылда компания жалпы наркы 1 млрд АКШ долларынан ашкан стратегиялык маанилүү долбоорлорду ишке ашырууну пландап жатат. Алардын катарында Үңкүр-Таш, Тоголок, Чакуш, Талды-Булак жана Андаш кен орундарын өздөштүрүү долбоорлору бар.