«Кыргызалтын» ААКы 2023-жылдын жыйынтыгы боюнча алдыңкы мамлекеттик компания деп таанылды
Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик 2023-жылдын жыйынтыгы боюнча «Кыргызалтын» ААКны алдыңкы компания деп тааныды.
«Кыргызалтын» ААКсы жогору киреше көрсөткүчтөрү жана дивиденддер боюнча мамлекеттик бюджетке рекорддук төлөмдөр үчүн Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттиктин сыйлыгын жеңип алды.
Ишкананын таза кирешеси өткөн жылга салыштырмалуу 130% түздү. Белгилей кетсек, таза киреше көрсөткүчтөрү компаниянын бүткүл тарыхында рекорд койгон.
Учурда «Кыргызалтын» ААК кендерди өнөр жайлык иштетүүгө жана келечектүү алтын рудасынын кластерлерин изилдөөгө багытталган. Негизги басым баалуу металлдарды өндүрүү көлөмү боюнча келечектүү болгон руда секторуна бурулат. Учурда компания өз күчү менен «Мироновское», «Чакуш» сыяктуу кендерди ишке киргизе баштады жана «Каракала-Терек», «Баладжан», «Чекчей», «Минтеке» кендерин чалгындоого жана иштетүүгө лицензия алды.
«Кыргызалтын» ААК республикадагы алтын кендерин иштетүүгө адистешкен алдыңкы компаниялардын бири болуп саналат.
Компания биргелешкен ишкана боюнча өнөктөштөрү менен биргеликте Кыргызстандын алтынынын 81%дан ашыгын өндүрөт. Алтын казып алуу республиканын ИДПсынын 10%ке жакынын жана өнөр жай өндүрүшүнүн 35%ин түзөт. Кыргызстан КМШ өлкөлөрүнүн ичинен алтын өндүрүү боюнча төртүнчү орунда турат.
