10-июлда Солтон-Сары кенине жаңы алтын чыгаруучу фабриканы, өндүрүшкө керектүү имараттарды жана курулуштарды куруу үчүн капсула салынды.
Салтанаттуу иш-чарага «Кыргызалтын» ААКнын жетекчилиги, «Авелум Партнер» ЖЧКсынын өкүлдөрү жана индиялык инвесторлор, ошондой эле жергиликтүү бийлик өкүлдөрү жана облустун тургундары катышты.
Өз сөзүндө «Кыргызалтын» ААК башкармалыгынын төрагасынын орун басары Нарынбек Сатыбалдиев белгилегендей, Кыргыз Республикасынын Президенти С.Н. Жапаров тапшырмасына ылайык, жана өлкөгө инвестиция тартуу жана жаңы жумуш орундарын түзүү максатында, «Кыргызалтын» ААК индиялык инвесторлор менен биргеликте эскирген кен калдыктарын кайра иштетүү, стандартка жооп бербеген рудаларды (курамында алтыны бар үстүңкү тектер) кайра иштетүү боюнча иштерди уюштуруу мүмкүнчүлүгүн изилдеп, жана алтын-карьердин терең горизонтторунан кендерди казып алуу иштерин аткарды.
Эсептөөлөр көрсөткөндөй, алтынды үч булактан алуу мүмкүнчүлүгү менен комплекстүү мамиле (калдыктарды сактоочу жай, стандартка жооп бербеген рудалык материалдар жана карьердин запастары) өндүрүштү натыйжалуу уюштуруу менен Солтон-Сары кенинин потенциалын ачып берет.
Инвестициялардын жалпы көлөмү 25 миллион АКШ долларын түзөт, бүгүнкү күндө 8 миллион доллардан ашык каражат жумшалды. Жаңы ишканадан биринчи коммерциялык металлды алуунун планы боюнча 2024-жылдын декабрь айы.
Ишкана ишке киргенден кийин 400 жаңы жумушчу орун түзүлөт, анын 95%дан ашыгын Кыргызстандын жарандары түзөт. Ошондой эле индиялык өнөктөштөр менен бардык өндүрүлгөн коммерциялык алтындар «Кыргызалтын» ААКсына өткөрүлөт, башкача айтканда, Индия тарап алтынды экспортко чыгарбайт деген келишимге жетишилди.
