"Кыргызалтын" ААК ардагерлерге терең урматын билдирет!

1-октябрь — Карылар күнү, "Кыргызалтын" ААКтын Башкармалыгынын жетекчилиги менен улуу муунду урматтоо максатында өзгөчө салтанат өттү. Бул күнү биздин ишкананын ардагерлери, кезинде "Кыргызалтынды" түптөгөн жана анын өнүгүшүнө чоң салым кошкон инсандар, өзгөчө көңүл бурууга татыды.

Ардагерлерге ыраазычылык билдирилип, алардын жасаган эмгеги биздин мекеменин тарыхында  өчпөс из калтырганы белгиленди. Ардагерлерге ар дайым кадыр-барк көрсөтүлүп, бүгүнкү иш-чарада аларга атайын белектер жана сыйлыктар тапшырылды. Кече көңүлдүү музыкалык ыргактар менен коштолуп, соңунда ардактуу өндүрүшчү ардагерлер ак дастаркондон даам сызышты.

Урматтуу ардагерлер! Сиздердин кайраттуу эмгегиңиздер жана акыл-насаатыңыздар биздин жол башчыбыз. Ар бириңиздерге бекем ден соолук, узак өмүр жана жакындарыңыздын урмат-сыйында бакубат жашоо каалайбыз. Сиздердин ак ниет эмгегиңиздер ар дайым эсте болуп, кийинки муундарга дем берет деп ишенебиз!

Карылар күнү кут болсун!