Каракала-Терек аянтында геологиялык чалгындоо иштерин жүргүзүү жана «Терек» кенин иштетүү боюнча биргелешкен ишмердүүлүк үчүн конкурсту өткөрүү шарттары
Каракала-Терек аянтында геологиялык чалгындоо иштерин жүргүзүү жана «Терек» кенин иштетүү боюнча биргелешкен ишмердүүлүк үчүн конкурс «Кыргызалтын» ААКтын Башкармасынын 2025-жылдын «21»-апрелиндеги №21 чечиминин жана «Кыргызалтын» ААКтын директорлор Кеңешинин 2025-жылдын «29»-апрелиндеги №25 протоколунун негизинде өткөрүлөт.
Бул конкурсту өткөрүү шарттары Кыргыз Республикасынын Министрлер Кабинетинин 2022-жылдын 23-августундагы № 472 токтому менен бекитилген мамлекеттик ишканалар жана уставдык капиталына мамлекеттин катышуу үлүшү үчтөн экисинен кем эмес болгон чарба жүргүзүүчү субъекттер тарабынан жер казынасын пайдалануу укуктарын ишке ашыруу боюнча инвесторлор менен биргелешкен ишмердүүлүктү жүргүзүү шарттары жөнүндө жобого ылайык иштелип чыккан.
